Aka pankampi chikaxa wakt’ayata utjiwa mä CD ukansti uñajasiwa phuthugraphiya (fotos) ykhamaraki qillqatanaka juk’ampi ullarkipt’añataki kuna, juk’ampi uñt’añataki sarnaqawipata ukhamaraki pachpa aymara marka uñt’añatakisa ukhama. Tata Pepesti wali munasititayna jaqi masiparu ukhamaraki pachamamitarusa, jupatakixa uka munasiñaxa pachpa tatituna arupakaspasa ukhamataynawa.

Aka qillqatasti, Las voces de las Wak'as sata sutini, uñacht’ayistuwa kunjamasa saphintatasa aymara markasaxa, kunatixa sañaki iyawsawi tuqita ukhamaraki tantachasiwi sataki tuqitsa, uka pä amuyansti uñjsnapï ch’ullqhi amuyanaka markjama sarñaqañasana: Amuykipiwa jiwasana qutuchasiñanaka utjkistu ukata ukhamaraki munañani uywirinakasa utjkistu ukanakatsa, kunatixa sataki wak'as achachilas ukanakata. Uka amuyawisti sinti askipï sarawisanxa ukatpï jaya markanakatsa jutapxixa juk’ampi yatxatañatakixa, jupanakasti thaqhapxiwa kawkhansa utjaski nayra sarawinaka, Machaqa markasasti janipï sasrawinakapa chhaqhayaskitixa, ukatpï yatxatirinakasa jutapxixa.Wakisiwa juk’ampi jiwaspachpa yatxataña. Yaqha tuqita jutirinakasti amuyapxa qananchiwa ukampisa, janjawa jiwasana lup’iwinakasxa sumpacha amuyapkaspati, kunapachatixa arüsa jaqukipapxixa janiwa chiqpacha amuyasakiti.

Aka chilqtampixa jisnati chiqpachawa ut’ayasisktan aka marckasa sasinxa, sasawa jiskt’asina mayni litasaca kunapachatixa qalltaskana tramite lurañanakampi uka pachaxa. Ukata tunka mara qhipatsti Machaqa markasaxa qalltawayiwa irnaqaña taqpacha nayra ayllunakapampi, kunatixa tunka payani ayllukana ukanakampi, jichha pachanxa juk’ampinixtanwa pä tunkasta juk’ampi ayllunakaxiwa niya kimsa qalqu tunka comunidades originarias ukanakampi kuna.