José Fernández  de Henestros desde du altiplano interior y exterior.

"Aka qillqatasti parliwa mä wali munata jilatana jakawipata, jupasti wali munatawayiwa qullana qullasuyu markasana juk’ampisa Jesús y San Andrés de Machaqa markanakana, ukanpï jupaxa jakasiwayi kimsa tunka jilpacha maranaka. Jupana yanapt’asiwipasti juk’ampisa yatiqaña tuqita ukhamaraki k’umara jakasiña tuqitsa ukhamawayiwa. Aka pankasti apthapiwa Pepe Henestrosa jilatana jakawipxata, walja jilata kullakanakawa arsupxi kunjamasa uka jilatasaxa jakasitayna ukhamaraki ch’amañchatayna ukanaka, jilipacha utjiwa carta qillqatanakapa: cartes del altiplano sata sutini. Kunapachatixa mistuwayi anqa markaru qullayasiñataki uka pachasa qillqaskakitayna ukanakasa pachpa pankana ullart’añataki utji, ukanakasti satapï: Cartas desde el Altiplano interior” sutini.

Aka pankampi chikaxa wakt’ayata utjiwa mä CD ukansti uñajasiwa phuthugraphiya (fotos) ykhamaraki qillqatanaka juk’ampi ullarkipt’añataki kuna, juk’ampi uñt’añataki sarnaqawipata ukhamaraki pachpa aymara marka uñt’añatakisa ukhama. Tata Pepesti wali munasititayna jaqi masiparu ukhamaraki pachamamitarusa, jupatakixa uka munasiñaxa pachpa tatituna arupakaspasa ukhamataynawa.

Saraksnawa kunapachatixa uñsti aka pankaxa ukatpachawa wali jilatanaka kullakanakasa munapxi ullarkipt’aña. Juk’ampisa, Catalunya markanxa maymara (2009) patakatsa jilawa aljasiwayi, jichhamaratakisti waljarakiwa utji panka alasirixa. Pepe Henesetrosana amuyanakapaasti carta qillqatanakapa tuqixa (Cartas desde el Altiplano interior y exterior) piriwa walja jila kullakana chuymanakaparu, lup’iwinakapasti parliwa kamisatixa wakisi iyawsawisanxa jaqi masisaru munasiña ukhamaraki yanapasiña, tumpasiña juk’ampinaka askina sarnaqasiñataki.