"Saber que todo lo que nos pasa es lo mejor que nos puede ocurrir”.

“Hacer realidad que vivir estimando a la gente es lo único que vale la pena en la vida”.
 
Pepe H

Aymara markachirinaka ComRadio ukana Barcelona markana

07.02.11

Tots x Tots sata irnaqawina ComRadionwa Aymara tuqita aruskipt’amxi

Pasïri 7 uru saraqata anata phaxsina, arust’awayapxi  Julià Villar (vicepresidente de Machaqmarka) ukhamaraki Fernando Ergueta (Amawt'a Uta p’iqiri) jilatanakawa  Barcelona markana aruskipt’awayapxi Radio tuqi.

Aymara markaxa nayra markawa jakawinaxa.  Sarnaqawipasti mayachasiñankiwa markachirimpi ukhamaraki pachamamampi. Sarawinakampixa yanapt’astanwa sapa maynixa sumpacha jaqïñasataki, iyawsasina pachanakaru ukhamaraki markachirinakarusa. "Mara t’aqa amtawinakampi ukhamaraki phaxsi mamana sarawinakapa amtampisa jak’achastanwa pachanakaru, achachilanakaru, wak’anakaru jiwaspachparusa” sasawa säna jilata Fernando jilataxa.

Wiphalasti taqi markasa mayatitanwa sasawa uñacht’ayistu. "Taqi kasta saminakampiwa sistu taqi kastatanwa ukatxa taqisa mayakirakitanwa". "Ukawa sarawinakasaxa sasasa saskakiwa Fernando jilataxa.

Yaqha yäxa jiwasana ajanusaxa Inalmama ukarakiwa. Inalmamasti wali ch’ama churistu markjama sartasiñataki, amtanaka jikikipañataki uka inalmamarakiwa amtayistu waranqa waranqanitasa.

Machaqmarka tantachawisti yanapt’asirakiwa uka amuyanaka qhanstayañataki. "Aymara jaqinakjama  catalanes sata jaqinakjama ch’amañchasiña kamisatixa PepeH jilataxa qhanañchawayi ukhama” sasarakiwa sï Julia Vilar jilataxa.  MachaqMarka tantachawimpisti yanapt’asitarakiwa khitinakatixa aymara ayllunakana sarnaqapxi uka jilata kullakanakampisa.

Uka tantachawi tuqirakiwa aka Barcelona markansa jak’achasna aymara markaru. Aruskipsna uka markanpi jaya sarawinakapata, yatisiwa sinti jaya maranitapa, 10 inasa 13ni waranqana waranqanakapa maraniwa sasawa sapxi yatxatirinakaxa qalaru takt’ata kayunaka uñakipasaxa.

Ist'am aruskipt'awinaka