"El trabajo constituye un rico y novedoso estudio del proceso histórico de la región de Jesús de Machaqa, en el altiplano paceño, mediante dos cortes históricos: el proceso de organización y movilización vivido entre 1919 y 1923 (en cuyo marco se ubica la rebelión de Jesús de Machaqa en 1921), y el más reciente proceso de retoma de la identidad colectiva de Marka (o federación de ayllus), vivido en las últimas décadas".

Ukhama arsutayna kullaka Silvia rivera Cusicanqui kunapachatixa uñakipatayna machaqa panka La Lucha por el Poder Comunal, tercer volumen de la serie Jesús de Machaqa: la Marka Rebelde qillqata. Ukhamapï chiqasa, kunapachatixa wakiyasiskana  Municipio de Jesús de Machaqa ut’ayañataki, ukampisti, wasitata “jiwaspachpa markasa nayraru sarxaruyañataki kunkimpi”, jaya maranakawa irnaqasiwayi ukhamaraki unxtawinakasa utjawayi kunatixa jichhuruna ut’ataxi Marka de Ayllus y Comunidades Originarias de Jesús de Machaqa (MACOJMA) sata sutini; Uka tantachawimpixa jan mayampitakiwa chhaqhayata kunatixa uñstayapkana "sindicalistas" amuyanaka khäya 1952 maratpacha qutuchawinakasa t’unjañataki uka amyawinaka.

Aka chilqtampixa jisnati chiqpachawa ut’ayasisktan aka marckasa sasinxa, sasawa jiskt’asina mayni litasaca kunapachatixa qalltaskana tramite lurañanakampi uka pachaxa. Ukata tunka mara qhipatsti Machaqa markasaxa qalltawayiwa irnaqaña taqpacha nayra ayllunakapampi, kunatixa tunka payani ayllukana ukanakampi, jichha pachanxa juk’ampinixtanwa pä tunkasta juk’ampi ayllunakaxiwa niya kimsa qalqu tunka comunidades originarias ukanakampi kuna.