Iwija chaluna. Por Leandro Quispe, JAQI ARU
Yapump uywamp jakasirinakan sarnaqawipax kunayman sarawiniwa. Jupanakax yatipxiwa, kunayman manq’anak wakicht’asiña. Ukatwa, kunjamas iwij chalunxat wakicht’as ukxat qillqt’añani.
Nayraqatax mä liq’i iwijaw kharsuña. Ukatx aychapx kuchillumpiw taru taru, suka sukch’arkhinuqaña. Wali sumañapatakix ukhamarus jan chhichhillankan k’awnantañapatixa, jayumpiw jach’irpayaña. Ukat suma wañarañapatakix mä jach’a law sayt’ayasin ukaruw iwij aychax warkataña.
Wali sum janq’u qaqak wañt’añapatakix uruy arumaw juyphimp juyphsuyaña. Aka chalunan sumañapatakix chika phaxs jilanakaw wañachataña. Ukhamarus janiw kunawsas muntan ukj lurksnati. Jan ukasti, sapa juyphipachakiw aka chalunax luraña.
Ukham uywamp yapump jakasirinakax kunayman manq’añanak wakicht’asiñ yatippxi. Jupanakax aka chalunampix akïr manqanakamp chikaw manqt’asipxi: chalun kankamp qhatimp ch’uñu phutimp tuqu mut’imp ukarux wayk’a k’iyatampi, ukhamarus chayru, jaqunta, ulluk kaltu, ukat juk’ampinakampiw manqtasipxi.
Ukhamaw la’qa achachilanakasas jilïr awkinakasas achupanakamp uywanakapamp manq’anak wakicht’asipxiritäna. Ukat wali awkikam jan kuna us katus jakasipxiritäna. Jichürunakax janikiw wawanakapas allchhipanakas sarawipanakx sarxaruyxtanti, armatakixiwa. Jiwasanakax kunayman jan wali manq’anakak manq’qasxtana, ukat kuna usnakas yanqt’ayxakstuwa. “AMUYT’ASIPXAÑÄNI TAQI JILATANAK KULLAKANAKA”.
Últimas opiniones
-
La hoja de coca y sus propiedades. Por Néstor Calle Pairumani
La coca (Erytroxilum coca), es un cultivo milenario, se tiene evidencias de su existencia que ... -
La importancia de la exposición de nuestros proyectos en Catalunya
Estamos convencidos que una de las actividades que hemos de promover es la de la ... -
La Consulta a las Naciones Originarias. Por Mauricio Díaz Vidaure. CEJIS
En la tarea de constituir un Estado como tal, en definitiva se responde desde dos ... -
Iwija chaluna. Por Leandro Quispe, JAQI ARU
Yapump uywamp jakasirinakan sarnaqawipax kunayman sarawiniwa. Jupanakax yatipxiwa, kunayman manq’anak wakicht’asiña. Ukatwa, kunjamas iwij chalunxat ...
Si quieres proponer un tema en nuestro blog envianos el artículo y nosotros lo publicamos.
Para escribir un comentario o participar, entra en nuestro blog
© Copyright 2010 Machaqmarka / 93 423 11 19 / info@jesusdemachaqa.org / Aviso Legal
Administración contenidos: Machaqmarka / Diseño web: 
Comentarios